|
EDIT : chés pérlages
et pi chl'intarnéte
ÉRTRADUCITON
et pi arringemint din 60 pérlages horzins
Chl'ingliche i n'sro pu chl'unique pérlage
à li tout seu d'échl arnitoéle apreu 2001.
À raviser chl'intchéte d'éch burieu d'études
"Computer Economics" , chés nadjeus d'échl
intarnéte qu'i leu dvis't in ingliche i rapiotiront d'54
% in 1999 à 51 % in 2001, pi coér 46 % in 2003, pour
abouter à 43 % in 2005. À zzés suire, chés
matchès d'intarnéte ingliches i s'in vont forcher
d'60 % fil à mzure éd chés six énèes
à vnir, in attendir qué zz'eutes (chétlos qu'i
n'leu dvis'té point in ingliche vu qu'i rést't in
Asie-Pacifique o bien in Amérique du sud) i doét'té
raugminter leu nombe éd 150 % ! Total, tous chés cangemints
lo i s'in vont djider ch'point d'vue d'chés boutiques aditèes
à chl'arnitoéle. Michael Erbschloe, éch vice-présidint
d'Computer Economics, i déclaque : « I feuro à
tous coups qu'chés boutiques iz euch't éne vériure
din tous chés eutes pérlages éd leu plache,
et pi coér émiu qu'dautchènes i tchitt't tchére
éch principe d'innhui : "ingliche feute éd miu".
A n'sro mie rére éd vir qu'échl ingliche i
n'sarviro meume pu à parsonne.»
(A tè déclérè din ZDNet France d'éch
23 d'jouin 1999 qu'a passè din Yahoo! France)
EDIT i s'a achuchonnè din chol "Djilde
Uropéyéne éd chés Rtraduiseus".
NEW VERSION UNDER CONSTRUCTION
English
version
|
